काभ्रे /आज बिहान करेन्ट सट भइ आगलागी हुदा लाखौको क्षती भएको छ ।
आज बिहान ०४:१५ बजेको समयमा जिल्ला काभ्रेपलाञ्चोक बनेपा नगरपालिका ४ आगलमा लागेको आगलागीले एक चौपाया सहित लाखौं रकम बराबरको चलअचल सम्पत्तिमा क्षति पुर्याएको छ ।साबिक उग्रचण्डी आगल बस्ने वर्ष ४६ को गोबिन्द सापकोटाले गाइ पाल्न बनाएको इट्टा र माटोको पर्खाल भएको, जस्ताको छानो भएको गोठमा विद्युत सर्ट भएर आगलागी भएको पारम्भिक अनुसन्धानबाट खुलेको छ । प्रहरी टोली, स्थानिय र बनेपा नगरपालिकाको वारुण यन्त्रको सहायताले आगो ०५:०० बजे नियन्त्रणमा आएको, उक्त आगोलागी बाट १ वटा गाइ जली मृत्यु भएको, उक्त गोठ भित्र रहेको भुसा काटने मेसिन, सो मेसिनको मोटर, पराल, भुसा र गोठ समेत जली नष्ट भएको । अन्दाजी ५ लाख बराबरको क्षति भएको जिल्ला प्रहरी कार्यालय काभ्रेले जनाएको छ ।
