जुवातास खेलिरहेको अवस्थामा ६ जना पक्राउ

कपिलवस्तु । जुवातास खेलिरहेको अवस्थामा कपिलवस्तुबाट ६ जना पक्राउ परेका छन् ।

वाणगंगा नगरपालिका-१० भावपुरस्थित रोयल सिटी कटेज एण्ड रेष्टुरेन्टबाट जुवातास खेलिरहेको अवस्थामा रेष्टुरेन्ट संचालक सोही नगरपालिका-१० भावपुर बस्ने ३५ वर्षीय दिनेश थारूसमेत ६ जनालाई आइतबार साँझ प्रहरीले पक्राउ गरेको हाे ।

इलाका प्रहरी कार्यालय पिपराबाट खटिएको प्रहरीले उनीहरूलाई नगद २ लाख ५६ हजार २ सय ९० रूपैयाँ र ३ बुक ताससहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

January 12, 2026, Jyotishsanchar press