मनोरञ्जन

काठमाडौं । तीन दशकदेखि निरन्तररुपमा सांगीतिक क्षेत्रमा चर्चा र सफलता पाइरहेका लोकप्रिय गायक तथा संगीतकार दीपक बज्राचार्यले नयाँ सांगीतिक प्याकेज ‘आउटडोर सेसन ‘सुरु गरेका छन् ।

पछिल्लो समय सांगीतिक एल्बमहरु निकाल्ने क्रम हराइसकेको अवस्थामा गायक बज्राचार्यका ‘आउटडोर सेसन’ अन्तर्गत सिंगल ट्रयाकका धेरै गीतहरुलाई केही दिनको ग्याप राख्दै क्रमशः सार्वजनिक गर्न लागिएको हो ।

नयाँ गीत ‘हजार हजारमा’ को रिलिजसँगै ‘आउटडोर सेसन’ सुरु भएको र यस सेसनको अर्को गीत पनि अब केही दिनमै रिलिज हुने गायक बज्राचार्यले जानकारी दिनुभयो ।

हाल तयार पारिसकेका नयाँ गीतहरु एक–एक गरी फरक स्वादमा दर्शक तथा श्रोतामाझ ल्याउन लागेका गायक बज्राचार्यको ‘हजार हजारमा’ गीतमा रुपेश बास्कोटाको शब्द र दीपककै संगीत तथा एरेन्ज रहेको छ।

88192c69 F679 4c48 90ea C20576ddd3cb

January 2, 2026, Jyotishsanchar press

काठमाडौँ । ‘खाकाे कसम ताेड्नेलाई, के गुनासाे पाेखाैं खै रुवाउँदै छाेड्नेलाई ।’ पछिल्लाे केही दिन यता याे गीतले दर्शक र श्राेताकाे मन तानिरहेकाे छ ।

रामकुमार श्रेष्ठकाे शब्द रहेकाे याे लाेकदाेहाेरी गीतमा उद्वव घिमिरेकाे लय रहेकाे छ । यस्तै उद्वव घिमिरे, कुमार भण्डारी र शारदा रसाइलीकाे स्वर रहेकाे गीतकाे म्युजिक भिडियाेमा कलाकार साजन पराजुलीले निकै मार्मिक अभिनय गरेका छन् ।

साथमा मुस्कान, सुरज, खगेन्द्र र प्रकृतिकाे पनि अभिनय रहेकाे छ । रामकृष्ण पाण्डेले छायांकन गरेकाे गीतकाे सम्पादन तथा निर्देशन पनि साजन पराजुलीले नै गरेका छन् ।

शदिश फिल्मस प्राेडक्सनले निर्माण गरेकाे गीतकाे पाेष्ट प्राेडक्सन भने पूर्णिमा फिल्मसले गरेकाे छ । गीत रामहरि भण्डारीकाे युट्युब च्यानलबाट सार्वजनिक गरिएकाे हाे । गीतकाे भिडियाे यस्ताे छः

Screenshot 2025 12 21 110142

December 21, 2025, Jyotishsanchar press

काभ्रे । चर्चित लोकदोहोरी गीत ‘चमेली’ काे दाेस्राे भाग सार्वजनिक गरिएकाे छ । काभ्रे जिल्लाको बेथान्चोक गाउँपालिका–१, अल्कापुरिका स्थानीय कलाकार गोविन्द तिमल्सिना (चमेली बा) को पहिलाे गीत चमेली ले निकै चर्चा पायाे । गत शुक्रबार यसकै दाेस्राे भाग ‘चमेली–२’ सार्वजनिक गरिएको हाे।

गीतमा राजेन्द्र भण्डारीको शब्द, गोविन्द तिमल्सिनाको मौलिक लय तथा नारायण दङ्गालको संगीत संयोजन रहेकाे छ । गीतमा गोविन्द तिमल्सिना (चमेली बा), प्रतिमा अर्याल र राजेन्द्र भण्डारीको स्वर रहेको छ।

गीतको म्युजिक भिडियो ओमप्रकाश अवस्थीले छायांकन तथा सम्पादन गर्नुभएकाे हाे । भिडियो काभ्रेको बेथान्चोक गाउँपालिका–१ झिँगेडाँडा र अल्कापुरि आसपासका क्षेत्रमा छायांकन गरिएको थियाे । भिडियोमा स्थानीय बासिन्दा, जनप्रतिनिधि, ग्रामीण जनजीवन, कृषि र पर्यटनका विविध पक्षलाई प्राथमिकताका साथ प्रस्तुत गरिएको छ।

पहिलाे भागमा चमेलीकाे मायामा परेका चमेली बा ले जहाँ पुगे पनि फर्किएर आउन चमेलीलाई अनुराेध गर्नुभएकाे थियाे । दाेस्राे भागमा पानी पर्याे बलेसी तर्केर भन्ने बाेलमा गीत प्रस्तुत गरिएकाे छ । अन्तिममा चमेली फर्किएर आएकाे प्रशंगले गीत मिलनमा टुंगिएकाे छ ।

‘चमेली–२’ को म्युजिक भिडियो राजेन्द्र भण्डारीको युट्युब च्यानलमार्फत सार्वजनिक गरिएको हो। भिडियाे यस्ताे छः

Hp Screenshot 20251220 232745 Messengerjpgjz1jho7om

December 21, 2025, Jyotishsanchar press

काठमाडौँ । सर्जक साजन पराजुलीकाे निर्देशन र सम्पादनमा नयाँ गीत सार्वजनिक भएकाे छ । युट्युबमार्फत सार्वजनिक भएकाे दुई दिनमै याे गीत टिकटकमा धेरै रुचाइएकाे छ।

रामहरि भण्डारी, कुमार भण्डारी र काेपिला तामाङ वाइबाकाे स्वरमा रहेकाे गीतमा लय र शब्द राजकुमार खनालकाे रहेकाे छ।

गीतकाे म्युजिक भिडियाेमा मनाेहर भट्टराई, राजकुमार खनाल र अञ्जु सुवेदी तिमल्सिनाले अभिनय गरेका छन् । गीतकाे एरेन्ज नारायण दंगाल, स्टुडियाे शंकरा डिजिटल, रेकर्डिङ सागर पुन र मिक्सिङ कुमार पुनकाे रहेकाे छ।

अडियाे / भिडियाे आरबि फिल्मस र पाेष्ट प्राेडक्सन पूर्णिमा फिल्मसकाे रहेकाे गीतकाे भिडियाे यस्ताे छः

Marna Man Song

October 12, 2025, Jyotishsanchar press

काठमाडौँ । बनेपामा निर्माण हुँदै गरेको अत्याधुनिक सुविधा सम्पन्न ‘सिनेपा: स्टुडियो’ का लागि नेपाल सरकारले ३ करोड रुपैयाँको अनुदान बजेट प्रदान गर्ने भएको छ।

शुक्रबार सूचना तथा संचार प्रविधि मन्त्रालयका योजना, अनुगमन तथा मूल्याङ्कन शाखाका उपसचिव रामकृष्ण अर्याल र चलचित्र विकास बोर्डबीच सम्झौता हस्ताक्षर र पत्र आदान प्रदान कार्यक्रम औपचारिकरूपमा सम्पन्न भएको हो।

कार्यक्रममा मन्त्रालयका कर्मचारीहरुसहित बोर्डका अधिकृतद्वय प्रभाकर भट्टराई र गिरिश शर्मा पनि उपस्थित रहनुभएकाे चलचित्र विकास बाेर्डका अध्यक्ष दिनेश डिसीले जानकारी दिनुभयाे ।

558900916 10172861976255224 4717755758734774154 N

October 11, 2025, Jyotishsanchar press

काठमाडौँ । पछिल्ला समय पर्व विशेष गीतहरु बजारमा आइरहेका छन् । यसैक्रममा यसअघि धेरै गीतहरुकाे निर्देशन र सम्पादन गरिसकेका साजन पराजुलीले दशैं विशेष गीतकाे सम्पादन गरेका छन् ।

गायक नारायणबाबु पाैडेल, शरण थामी, ईश्वर सापकाेटा तथा गायिकाहरु चन्द्रावती नेपाली र रमिता कार्कीकाे स्वरमा रहेकाे दशैंकाे नयाँ गीत ‘यसपाली दशैंमा’ बजारमा आएकाे छ।

ईश्वर सापकाेटा र चन्द्रावती नेपालीकाे शब्द रहेकाे गीतमा दिपकसागर तिवारीकाे लय रहेकाे छ । गीतकाे एरेन्ज सुफिक्स मदन, स्टुडियाे एरिका डिजिटल र मिस्सिङ गाेविन्द साेनीकाे रहेकाे छ ।

गीतकाे छायाँकन र सम्पादन साजन पराजुलीले गरेका छन् । गीतकाे अडियाे / भिडियाे सापकाेटा डिजिटल, पाेष्ट प्राेडक्सन पूर्णिमा क्रियशनकाे रहेकाे छ । गीतकाे भिडियाेमा मुस्कान घिमिरे, कुमार विक, रामसुन्दर थामी र माया न्याैपानले अभिनय गरेका छन् ।

गीतमा आमाकाे परदेशीहरु दशैंमा घर आउँदै गर्दा खुशीकाे सीमा नहुने प्रसंगलाई अति मार्मिक ढंगले उतारिएकाे छ। गीतकाे भिडियाे यस्ताे छः

गीत २

September 26, 2025, Jyotishsanchar press

काठमाडौँ । लाेकप्रिय गायक सत्यराज आचार्यकाे स्वरमा रहेकाे नयाँ गीत ‘याे दुःखकाे तस्बीर हाे’ बजारमा आएकाे छ ।

प्रसाद लामिछानेकाे शब्द रहेकाे गीतमा निशान चाैधरीले संगीत दिएका छन् । गीतकाे एरेन्ज कमल साैराग, स्टुडियाे मारुनी डिजिटल, मिस्सिङ, कुमार राना, रेकडिस्क खुमन र सुमन रानाकाे रहेकाे छ ।

बाद्यबादनतर्फ सारंगी हेमन्त रसाइली, बाँसुरीमा रत्न बिक, गितार सन्जिब बराइली र रिदम भुवन गन्दर्भकाे रहेकाे छ ।

छायांकन सराेज ढकाल र सुबध पाैडेलकाे रहेकाे गीतकाे सम्पादन र निर्देशन साजन पराजुलीले गरेका हुन् । गीतमा आमाकाे महत्वलाई झल्काइएकाे छ । गीतकाे भिडियाे यस्ताे छः

Unnamed File.jpg

September 15, 2025, Jyotishsanchar press

काठमाडौँ । ‘जेनजी पुस्ता’ को आन्दोलनका कारण बन्द रहेका देशभरका चलचित्र भवन सोमबारदेखि खुल्ने भएका छन् ।

चलचित्र भवन सञ्चालक तथा चलचित्र वितरकको छाता संस्था नेपाल चलचित्र सङ्घको आइतबार बसेको बैठकले दर्शक र चलचित्र भवनको सुरक्षामा ध्यान दिँदै सञ्चालनमा ल्याउने निर्णय गरेको हो ।

चलचित्र ‘रिमै’, ‘मोहर’ लगायतका नेपालीसँगै केही विदेशी चलचित्र दर्शकले हेर्न पाउने छन् । दसैँको अवसर पारेर फूलपातीदेखि भने तीन नेपाली चलचित्र प्रदर्शन हुनेछन् ।

Film Hal

September 15, 2025, Jyotishsanchar press

काठमाडौं । नेपाल आइडल सिजन-६ की विजेता बन्न सफल भएसFगै गंगा सोनामको पहिलो रेकर्ड गीत सार्वजनिक भएको छ।

उनको एकल स्वरमा बिहीबार सार्वजनिक ‘गुनासो’ बोलको गीतमा अभिनेता राज कटुवाल र सनिशा भट्टराईको अभिनय छ।

गीतकार प्रदीप चापागाईंको प्रस्तुति रहेको गीतमा उनकै शब्द र लेखु सहयात्रीको संगीत रहेको छ । गीतको म्युजिक भिडियोलाई निकेश खडकाले निर्देशन गरेका हुन् ।

उत्सव दाहालको सिनेमाटोग्राफी र विकास धमलाकाे सम्पादन रहेको भिडियोलाई गीतकार प्रदीप चापागाईंको अफिसियल युट्युब च्यानल ( OfficialPradeepChapagain) बाट सार्वजनिक गरिएको हो ।

भिडियाेः

2

September 5, 2025, Jyotishsanchar press

काठमाडौँ । नेपाली सुगम संगित एवं पार्श्व गायनका सदाबहार गायक आनन्द कार्की र ममता गुरुङको युगल स्वरमा रहेकाे ‘जाली रुमाल फूलबुट्टे ‘ गीतको म्युजिक भिडियो सार्वजनिक भएको छ।

नेपाली गीतसंगित र चलचित्रको विकास र प्रबर्द्धनमा सक्रिय अग्रणी कम्पनी ‘हाइटेक इन्टरटेन्टमेन्ट’ले निर्माण गरेको गीतमा सुष्मा सिग्देलको शब्द रचना र अनिल शाहीको संगीत रहेको छ। गीतलाई अनिल शाहीले नै एरेन्ज गरेका हुन् ।

आनन्द कार्की, ममता गुरुङ र सरोज प्रजाको अभिनय रहेको भिडियोमा सागर बस्नेतको सिनेमाटोग्राफी, प्रमोद के भण्डारीको कोरियोग्राफी र विकास दाहालको सम्पादन रहेको छ। युवा निर्देशक युवराज वाइबाले भिडियोको निर्देशन गरेका हुन् ।

‘जाली रुमाल फूलबुट्टे ‘ को भिडियोलाई ‘हाइटेक इन्टरटेन्टमेन्ट’को अफिसियल युट्युब च्यानलबाट सार्वजनिक गरिएको छ। भिडियो सार्वजनिक भएको केही घण्टामै दर्शकहरुले सकारात्मक प्रतिक्रिया दिएका छन् । पुरानो चलचित्र भीष्म प्रतिज्ञाको सुपर हिट गीत “ओ मेरी प्रियेशी” का संगितकार एवं गिटारिस्ट अनिल शाहीले संगित भरेका धेरै गीतहरु दर्शकको रोजाईमा परेका छन् । हेराैं भिडियाेः

1

September 2, 2025, Jyotishsanchar press