काठमाडौँ। आइसीसी टी–२० विश्वकप एसिया तथा इष्ट एसिया प्यासेफिक छनोटमा नेपालद्वारा ओमान ३८ रनले पराजित भएको छ।
ओमानको अल अमिरतस्थित ओमान क्रिकेट एकेडेमी टर्फ–१ मा बुधबार सम्पन्न खेलमा नेपालले दिएको १५२ रनको लक्ष्य पछ्याएको ओमानले २० ओभरमा नौ विकेट गुमाएर ११३ रन बनायो ।
ओमानका लागि विनायक शुम्लाले १९ बलमा सर्वाधिक ३२ रन बनाए । यस्तै, मोहम्मद नदीमले २५ रन बनाए । नेपालका लागि गुल्शन झाले तीन विकेट लिँदा नन्दन यादव र सोमपाल कामीले समान दुई दुई विकेट लिए । सन्दीप लामिछानेले एक विकेट लिएका थिए ।
यसअघि टस जितेर पहिला ब्याटिङ रोजेको नेपालले निर्धारित २० ओभरमा नौ विकेट गुमाउँदै १५१ रनको योगफल बनाएको थियो।
October 16, 2025, Jyotishsanchar press
सम्बन्धित खवर
