काठमाडौँ । मौसम पूर्वानुमान महाशाखाले हाल नेपालमा पश्चिमी न्यूनचापीय प्रणालीको सामान्य प्रभाव रहेको जनाएको छ । जसले गर्दा देशका पहाडी र हिमाली भागमा साधारणतया बादल लागेको छ ।
आज दिउँसो तराईका केही स्थानहरूमा हुस्सु रहनेछ । कोशी, गण्डकी र कर्णाली प्रदेशको पहाडी र हिमाली भाग तथा बाँकी प्रदेशको हिमाली भागमा साधारणतया बादल लाग्नेछ। तराई भूभागमा मौसम मुख्यतया सफा रहनेछ ।
राति तराईका थोरै स्थानहरूमा तुवाँलो रहनेछ। गण्डकी प्रदेशको पहाडी र हिमाली भाग तथा बाँकी प्रदेशको हिमाली भूभागमा साधारणतया बादल लाग्नेछ। बाँकी पहाडी भूभागमा आंशिक बादल लाग्नेछ ।
February 25, 2026, Jyotishsanchar press
