काठमाडौं । नेपालमा हाल पश्चिमी वायुका साथै स्थानीय वायुको आंशिक प्रभाव रहेको छ । कोशी र गण्डकी प्रदेशका पहाडी र हिमाली भाग तथा वागमती प्रदेशको हिमाली भागमा साधारणतया बादल लागेको छ।
बाँकी पहाडी र हिमाली भागमा आंशिक बादल लागेको छ । तराईमा मौसम मुख्यतया सफा रहेको जल तथा मौसम विज्ञान विभागले जनाएको छ ।
विभागका अनुसार, बिहीबार देशको हिमाली भागमा साधारणतया बादल लाग्नेछ । पहाडी भागमा आंशिक बादल लाग्नेछ । तराईमा मौसम मुख्यतया सफा रहने छ । कोशी, वागमती र गण्डकी प्रदेशका हिमाली भागका थोरै स्थानहरू तथा बाँकी पहाडी र हिमाली भागका एक–दुई स्थानमा मेघगर्जन र चट्याङसहित मध्यम वर्षा र हिमपातको सम्भावना छ।
राति, देशको हिमाली भू–भागमा साधारणतया बादल लाग्नेछ, पहाडी तथा तराई भू–भागमा आंशिक बादल लाग्नेछ ।
March 26, 2026, Jyotishsanchar press
