काठमाडौं । भारतमा जारी इन्डियन प्रिमियर लिग (आई.पी.एल.) क्रिकेटमा आज रोयल च्यालेन्जर्स बेंगलुरु र गुजरात टाइटान्स आमनेसामने हुँदै छन् ।
बेंगलुरुस्थित एम चिन्नास्वामी रंगशालामा खेल बेलुकी पौने ८ बजे देखि शुुरु हुनेछ । दुई टोलीबीच हालसम्म भएका खेलमा बेंगलुरुले ३ जित निकाल्दा गुजरातले २ जित निकालेको छ । बेंगलुरुको रजत पाटिदार र गुजरातको कप्तानी शुभमन गिलको कप्तानीमा मैदनमा उत्रनेछन ।
बेंगलुरु हालसम्म अपराजित छ । उ आज घरेलु मैदानमा जित निकाल्दै लगातार तेस्रो जित दर्ता गर्ने प्रयासमा हुनेछ । बेंगलुरुले पहिलो खेलमा कोलकाता नाइट राइडर्स तथा दोस्रो खेलमा चेन्नई सुपर किङ्सलाई हराएको थियो ।
उता बेंगलुरुको अपराजित यात्रा रोक्दै दोस्रो जित निकाल्ने लक्ष्यमा गुजरात रहेको छ । गुजरात पहिलो खेलमा पञ्जाब किङ्ससँग पराजित भएपछि दोस्रो खेलमा मुम्बई इन्डियन्सलाई हराएको थियो ।
अंकतालिकामा हाल बेंगलुरु ४ अंकसहित शीर्ष स्थानमा छ भने २ अंक भएको गुजरात चौथो स्थानमा छ ।
सम्बन्धित खवर
