April 5, 2025, Jyotishsanchar press

ब्राजिलियन फुटबलर राेबेर्टाे कार्लाेस जारी एनसेल नेपाल सुपर लिगमा आउने भएका छन्।  ५१ वर्षका कार्लाेसले ब्राजिल र स्पेनिस क्लब रियल मड्रिडबाट खेलेका छन्। डिफेन्डर कार्लाेस २००२को विश्वकप विजेता पनि हुन्।

१९९८ मा ब्राजिल विश्वकपकाे उपविजेता हुँदा डिफेन्डर कार्लाेस महत्त्वपूर्ण सदस्य थिए। यस्तै उनले दुई काेपा अमेरिका र एक कन्फेडेरेसन कप पनि जितेका छन्।

शनिबार दशरथ रंगशालामा आयाेजकले उनी छिट्टै नेपाल आउने जानकारी दिएकाे हाे। कार्लाेसले नेपालका फ्यानलाई छिट्टै भेटाैँला भन्दै भिडिओ सन्देश पनि दिएका छन्।