काठमाडौँ । उपप्रधान एवं शहरी विकासमन्त्री तथा नेपाली काँग्रेसका नेता प्रकाशमान सिंहले मिश्रित निर्वाचन प्रणालीका कारण कुनै एउटा पार्टीले बहुमत ल्याउन कठिन रहेको बताउनुभएको छ ।
काठमाडौंमा बिहीबार आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले राजनीतिक स्थायित्व र स्थिरता नभए विकास निर्माणका काम पनि अघि बढ्न नसक्ने बताउनु भयो । राजनीतिक स्थायित्व कायम भएपछि नै अर्थतन्त्रले गति लिने बताउँदै उहाँले कसैको पनि बहुमत नल्याएका कारण नै विभिन्न राजनीतिक दलहरु मिलेर सरकार बनाएको जिकिर गर्नुभयो ।
अहिलेको राजनीतिक वस्तुस्थितीलाई राम्रोसँग केलाएर आफ्नो कदमहरु अघि बढाउनु जरुरी रहेको बताउनु भयो ।
July 24, 2025, Jyotishsanchar press
