काठमाडौं । प्रधानमन्त्री केपी शर्मा ओलीले प्रतिनिधि सभालाई आफ्नो चीन भ्रमणको कार्यतालिकाबारे जानकारी गराउनु भएको छ।
सभाको शुक्रबारको बैठकमा सम्बोधन गर्दै उहाँले भदौ १४ देखि १८ गतेसम्म चीनको ५ दिने औपचारिक भ्रमणबारे सदनलाई जानकारी गराउनु भएको हो । चीनको थियानजिनमा आयोजना हुने साङ्घाई सहयोग संगठन (एससिओ) शिखर सम्मेलनमा सहभागी नेपाली प्रतिनिधि मण्डलको नेतृत्व गर्दै त्यसतर्फ जान लागेको उहाँले जानकारी दिनुभयो ।
भ्रमणको मूल उद्देश्य एससिओ सम्मेलनमा नेपालको दृष्टिकोण र प्राथमिकता प्रश्तुत गर्नु रहेको बताउँदै उहाँले भ्रमणका क्रममा चीनका राष्ट्रपति सी चिनफिङ तथा उपराष्ट्रपति हान चङ्गसँग द्विपक्षीय भेटवार्ता गर्ने कार्यक्रम रहेको समेत जानकारी दिनुभयाे ।
August 29, 2025, Jyotishsanchar press
सम्बन्धित खवर
