काठमाडौँ । नेपाली सेनाले देशकाे विद्यमान विषम परिस्थिती र शान्ति सुरक्षा कायम राख्नका लागि देशभर निषेधाज्ञा र कर्फ्यू जारी गरिएको जनाएकाे छ।

आज एक विज्ञप्ति जारी गर्दै सेनाले आन्दोलनका क्रममा भएको जनधनको क्षतिप्रति गहिरो दुःख व्यक्त गर्दै अपराधजन्य गतिविधि नियन्त्रणमा सहयोग गर्न सबैलाई अपिल पनि गरेको छ।

सेनाले जारी गरेको विज्ञप्तिमा उल्लेख भए अनुसार, आज (भाद्र २५ गते) बेलुका ५ बजेसम्म देशभर निषेधाज्ञा कायम रहनेछ । त्यस्तै भोलि भाद्र २६ गते बिहान ६ बजेसम्म कर्फ्यू आदेश लागू हुनेछ। परिस्थितीको विश्लेषण गरेर थप जानकारी गराइने सेनाले जनाएको छ।

September 10, 2025, Jyotishsanchar press