पर्व लक्षित सुपथ मूल्य पसल सञ्चालनमा (भिडियाेसहित)

काठमाडौँ । सोमबारदेखि देशभर सहुलियत (सुपथ मूल्य) पसल सञ्चालनमा आएका छन् ।

उद्योग, वाणिज्य तथा आपूर्ति मन्त्रालयले भदौ ८ मा खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसनमार्फत सुपथ मूल्य पसल सञ्चालन गर्ने निर्णय गरेको थियो । खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसन लिमिटेडले संयुक्तरूपमा सहुलियत दरमा दैनिक उपभोग्य वस्तु बिक्री वितरण शुरु गरेका हुन् ।

तर, भदाै २३ र २४ मा भएको जेनजी आन्दोलनका कारण देशभरि ७२ जनाको मृत्यु र सरकारीसँगै निजी उद्यम–व्यवसायमा तोडफोड, लुटपाट र आगजनी भएपछि सरकारले सञ्चालन गर्न लागेको सहुलियत पसल सञ्चालनमा नआउने हो कि भनेर उपभोक्तामा अन्योल छाएको थियो ।

यद्यपी खाद्य व्यवस्था तथा व्यापार कम्पनी लिमिटेडले तोकिएकै मिति अर्थात् आजदेखि नै सुपथ मूल्य पसल सञ्चालनमा ल्याएकाे जनाएको छ।