काठमाडौँ । नेपाल वायु सेवा निगमले असोज ९ गतेदेखि चीनको ग्वाञ्जाओमा सिधा उडान भर्ने भएको छ । निगमले पहिलो पटक काठमाडौँ–ग्वाञ्जाओ–काठमाडौँ उडान सेवा सुरु गर्न लागेकाे हाे ।

निगमका अनुसार उक्त प्रयोजनका निम्ति सबै प्राविधिक तयारी पूरा गरिसकेको छ । निगमले ग्वाञ्जाओ उडानका लागि अनुमति पाइसकेको छ। निगमले हरेक हप्ता तीन वटा नियमित उडान भर्ने तालिका तय गरेको छ।

पहिलो उडान असोज ९ गते, दोस्रो असोज १२ गते, त्यसपछि असोज ३०, कात्तिक २ र ६ गते उडान भर्ने तय भएको छ। त्यसपश्चात् प्रत्येक आइतबार, मङ्गलबार र शनिबार ग्वाञ्जाओतर्फ सिधा उडान हुनेछ। काठमाडौँबाट ग्वाञ्जाओसम्मको एकतर्फी भाडादर ३० हजार र दोहोरो टिकट ५० हजार तोकिएको निगमले जनाएको छ।

September 21, 2025, Jyotishsanchar press