सिन्धुपाल्चोक। सिन्धुपाल्चोकमा शनिबार भएकाे माेटरसाइकल दुर्घटनामा एक विदेशी नागरिककाे मृत्यु भएकाे छ भने एक जना घाइते भएका छन् ।
शनिबार बिहान ११ बजेतिर सिन्धुपाल्चोककाे बाह्रबिसे–तातोपानी सडक खण्ड अन्तर्गत भोटेकोशी गाउँपालिका–४, चारकिलोमा माेटरसाइकल दुर्घटनामा घाइते भएका दुई विदेशी पर्यटकमध्ये एक जनाकाे मृत्यु भएकाे हाे । घाइते अर्का एक जनाकाे उपचार भइरहेकाे सिन्धुपाल्चोक प्रहरीले जनाएकाे छ।
बिहान बा.८९ प.९७३५ नम्बरको मोटरसाइकल अनियन्त्रित भइ सडकबाट करिब १० मिटर तल खस्दा अष्ट्रेलियन नागरिक ७१ वर्षीय पिटर ज्याक्सन र उनकी श्रीमती जेनेट ज्याक्सन गम्भीर घाइते भएका थिए । त्यसलगत्तै उद्धारपश्चात दुवैलाई धुलिखेल अस्पतालको हिन्दी शाखामा सामान्य उपचार गरिएकाे थियाे ।
थप उपचारका लागि दिउँसाे एक बजे फिस्टेल एयरको हेलिकप्टरद्वारा नर्भिक अस्पताल, काठमाडाैं पठाइएकोमा तीन बजे घाइते जेनेट ज्याक्सनकाे मृत्यु भएकाे हाे ।
गम्भीर घाइते भएका मोटरसाइकल चालक पिटर ज्याक्सनकाे हाल नर्भिक अस्पतालको आइसियु कक्षमा उपचार भइरहेको प्रहरीले जनाएकाे छ।
September 27, 2025, Jyotishsanchar press
