काठमाडौँ । चाडपर्व सुरक्षाका लागि नेपाल प्रहरीले देशभर करिब ५० हजार सुरक्षाकर्मी परिचालन गरिएको जनाएको छ।
नेपाल प्रहरीका केन्द्रीय प्रवक्ता, प्रहरी नायब महानिरीक्षक विनोद घिमिरेले देशभरका सुरक्षा युनिटले विशेष चाडपर्व सुरक्षा योजना बनाई लागू गरिसकेको बताउनुभयाे । उहाँका अनुसार सबै गरेर करिब ५० हजार सुरक्षाकर्मी परिचालन गरिएको छ।
प्रवक्ता घिमिरेका अनुसार आवश्यकताका आधारमा ड्रोन र तालिमप्राप्त कुकुरको पनि प्रयोग गरिने छ । यस्तै सादा पोसाकमा पनि प्रहरी परिचालन हुनेछन् । काठमाडौँ उपत्यकामा मात्रै छ हजारभन्दा बढी सुरक्षाकर्मी परिचालन हुने र आवश्यकताअनुसार थप जनशक्ति परिचालन हुने गरी तयारी गरिएको छ ।
September 27, 2025, Jyotishsanchar press
