काठमाडौं । दसैंको चहलपहल सुरु भएयता साढे पाँच लाख नागरिकले सङ्घीय राजधानी काठमाडौं छाडेका छन्।

काठमाडौं उपत्यका ट्राफिक प्रहरी कार्यालयले जनाएअनुसार घटस्थापनादेखि आज बिहानसम्म पाँच लाख ५३ हजार २६१ जनाले काठमाडौं छाडेका छन्।

काठमाडौं छाड्ने यात्रुको चाप बढेसँगै सवारी नाका र पार्किङस्थलमा थप ट्राफिक प्रहरी परिचालन गरिएको कार्यालयका प्रमुख एवं प्रहरी वरिष्ठ उपरीक्षक नवराज अधिकारीले जानकारी दिए।

September 30, 2025, Jyotishsanchar press