काठमाडाैँ। हमासले विगत ७३८ दिनदेखि आफ्नो नियन्त्रणमा रहेका नेपाली विद्यार्थी विपिन जोशीको शव इजरायललाई बुझाउने बताएको छ।
यसअघि उनको अवस्था अज्ञात रहेको बताइएको थियो । इजरायलसँग सङ्घर्षविराम भएपछि हमासले आफ्नो नियन्त्रणमा रहेका २० जीवित बन्धकलाई सोमबार मुक्त गरिसकेको छ।
बाँकी २८ जनाको मृत्यु भएको ठानिएको र उनीहरूको शव पनि सोमबारसम्म फिर्ता गरिने हमासले जनाएको छ। सोमबार अबेर जोशीसहित चार जना बन्धकको शव हस्तान्तरण गर्न लागिएको हमासको सैन्य एकाइले जनाएको छ।
इजरायलस्थित नेपाली राजदूत धनप्रसाद पण्डितका अनुसार इजरायली सेनाले सोमबार हस्तान्तरण गर्न लागिएका चार शवमध्ये जोशीको पनि हुन सक्ने जानकारी दिएको छ।
बीबीसी नेपालीबाट
October 13, 2025, Jyotishsanchar press
