काठमाडौँ । मोरङको उर्लाबारी नगरपालिका–७ गोलचोकबाट प्रहरीले लागूऔषध (ब्राउन सुगर) सहित दुई जनालाई पक्राउ गरेको छ।
इलाका प्रहरी कार्यालय उर्लाबारीबाट खटिएको टोलीले प्र.१-०२-०५० प १९६० नम्बरको मोटरसाइकल चेकजाँच गर्ने क्रममा चालक उर्लाबारी–६ का २९ वर्षीय केशव श्रेष्ठ र पछाडि सवार उर्लाबारी–५ का २४ वर्षीय निश्चल गुरुङलाई नियन्त्रणमा लिएको हो।
चेकजाँचका क्रममा दुवै जनाबाट प्लास्टिकसहित र प्लास्टिकबिना गरी कुल करिब ३० ग्रामभन्दा बढी ब्राउन सुगर फेला परेको प्रहरीले जनाएको छ।
प्रहरीका अनुसार बरामद लागूऔषधसहित दुवै जनालाई नियन्त्रणमा लिएर थप अनुसन्धान भइरहेको छ।
सम्बन्धित खवर
