काठमाडौँ। तिहारकाे लामाे बिदापछि खुलेको बजारमा आइतबारदेखि सुनको मूल्य घट्न थालेकाे छ । साेही क्रमले आज पनि निरन्तरता पाएकाे छ।

नेपाल सुनचाँदी व्यवसायी महासंघले जनाए अनुसार आइतबार सुनको मूल्य प्रतितोला ११ हजार ६ सयले घटेको थियाे । आज दुई हजारले घटेकाे छ । यससँगै २ लाख ३९ हजार ९ सय कायम भएको छ। दशैंपछि सुनको मूल्य ह्वात्तै बढेको थियो।

यस्तै आज चाँदीको मूल्य पनि घटेको छ। आइतबार २६५ रुपैयाँ प्रतितोला घटेर ३ हजार १५ रुपैयाँ कायम भएको चाँदीको मूल्य आज ३५ रुपैंयाँ घटेर २ हजार ९८० रुपैंयाँ कायम भएकाे महासंघले जनाएकाे छ ।

October 27, 2025, Jyotishsanchar press