April 10, 2025, Jyotishsanchar press
काभ्रेको रोशीमा बस दुर्घटना हुँदा ११ जना घाइते भएका छन्।
बिहीबार बिहान ८: २५ बजे बीपी राजमार्गमा पर्ने रोशी गाउँपालिका- ९ दाउनेमा काठमाडौँबाट रामेछापतर्फ जाँदै गरेको प्रदेश ३-०१- ००६ ख. १३३९ नम्बरको बस दुर्घटनामा परेको हो।
घाइतेमध्ये सोलु लिखुपिके गा.पा. ३ बस्ने वर्ष ७३ की सुन्तली बिककाे अवस्था गम्भीर रहेको जिल्ला प्रहरी कार्यालय काभ्रेले जनाएको छ।
वर्षाको कारण ब्रेक नलाग्दा अनियन्त्रित भएको उक्त बसले खाँदबारीबाट काठमाडौँतर्फ आउँदै गरेको मे.१ ख ३३९४ नम्बरको हाइस गाडीलाई ठक्कर दिएर सडकबाट अन्दाजी २० मिटर तल खसेको प्रहरीको भनाई छ।
दुर्घटनामा बसमा सवार १५ जनामध्ये ११ जना घाइते भएका हुन्। घाइतेलाई उपचारको लागि प्राथमिक स्वास्थ्य केन्द्र मंगलटारमा पठाइएको छ।
घटनास्थलमा इलाका प्रहरी कार्यालय मंगलटारबाट प्रहरी सहायक निरीक्षक पुस्कर श्रेष्ठको कमाण्डमा ट्राफिक सहित ५ जनाको टोलि खटिएको छ। बसका चालकलाई प्रहरीले पक्राउ गरेको छ।
सम्बन्धित खवर
