April 30, 2025, Jyotishsanchar press

सुनचाँदीकै मूल्य आज घटेको छ। सुनको मूल्य आज प्रतितोला सातसय रुपैयाँले घटेको नेपाल सुनचाँदी व्यवसायी महासंघले जनाएको छ।

मूल्य घटेर आज सुन तोलाको एक लाख ८८ हजार एकसय रुपैयाँमा कारोबार भइरहेको छ। हिजो सुनको मूल्य तोलाको एक लाख ८८ हजार आठसय रुपैयाँ थियो।

गएको सोमबार सुन तोलामा १४ सय रुपैयाँ घटेको थियो भने मंगलबार पाँचसय रुपैयाँले बढेको थियो।

गत मंगलबार सुनको मूल्य एक लाख ९७ हजार नौसय रुपैयाँ पुगेको थियो। सुनको यो मूल्य हालसम्मकै सबैभन्दा उच्च हो।

आज चाँदीको मूल्य पनि घटेको छ। चाँदी आज प्रतितोला एक हजार नौ सय ६५ रुपैयाँमा कारोबार भइरहेको महासंघले जनाएको छ।