काठमाडौं । नेप्सेसँगै कारोबार बढ्यो, ङादी पावरको मात्रै १ अर्ब बढीको सेयर खरिदबिक्री
काठमाडौं । शेयर बजारमा दोहोरो अंकको सुधार आएको छ । बुधबार शेयर बजार सूचक नेपाल स्टक एक्सचेञ्ज (नेप्से) १६.५५ अंकले बढेर २ हजार ६९२.१८ विन्दुमा पुगेको हो ।
अघिल्लो कारोबार दिन मंगलबार भने नेप्से स्थिर थियो । आज नेप्सेमा कुल ८ अर्ब ५८ करोड रुपैयाँ बराबरको कारोबार भएको छ ।
बुधबार ङादी ग्रुप पावर कम्पनीको मात्रै १ अर्ब ५ करोड रुपैयाँको शेयर खरिदबिक्री भएको छ । यस्तै, राधी विद्युतको ६० करोडको कारोबार हुँदा युनिभर्सल पावरको ५१ करोडको शेयर किनबेच भएको छ ।
बुधबार ओम मेगाश्री, ग्रिन विकास बैंक र पियोर इनर्जीको शेयर मूल्यमा सकारात्मक सर्किट लागेको छ । आज बैंकिङ समूहको शेयर मूल्य १.७५ प्रतिशतले बढ्दा विकास बैंक समूहको शेयर मूल्य १.२७ प्रतिशतले उकालो लागेको छ।
May 28, 2025, Jyotishsanchar press
