काठमाडौँ । गत वैशाखदेखि फागुन मसान्तसम्म देशभर कुल छ हजार ७९९ वटा विपद्का घटना भएका छन् ।
याे ११ महिनामा विपदमा परेर ४६४ जनाको ज्यान गएको छ । विपद्का कारण ३८ जना बेपत्ता हुँदा एक हजार ८१४ घाइते भएका राष्ट्रिय जोखिम न्यूनीकरण तथा व्यवस्थापन प्राधिकरणले जनाएकाे छ ।
विपदका कारण १२ हजार ४५८ घरपरिवार प्रभावित भएका छन् । प्राधिकरणले उपलब्ध गराएको विवरण अनुसार सो अवधिमा सबैभन्दा बढी आगलागीका घटना भए । तीन हजार ३३९ आगलागीका घटना हुँदा ९८ जनाको ज्यान गएको छ ।
यस्तै बाढीका तीन सय १८, पहिरो पाँच सय ९०, भारी वर्षा चार सय २९, चट्याङ तीन सय ६७, सर्पदंश पाँच सय ९२, डढेलोका दुई सय ४६ वटा घटना भएका छन् । त्यस्तै, हावाहुरीका दुई सय ९२, जनावर आक्रमण चार सय ८८, र लेक लागेका एक सय १९ घटना भएका थिए ।
March 15, 2026, Jyotishsanchar press
सम्बन्धित खवर
