काठमाडौंस्थित पशुपतिनाथ बाहिनी मुख्यालयको २२औं स्थापना दिवसका अवसरमा मंगलबार आयोजित समारोहलाई सम्बोधन गर्दै सशस्त्र प्रहरी सेवामुखी जिम्मेवार र परिणाममुखी कार्यशैली अपनाउनु तपाईं हामी सबैको कर्तव्य भएको जानकारी दिनुभयो।
सशस्त्र प्रहरी बलका महानिरीक्षक राजु अर्यालले सुरक्षाकर्मीप्रति नागरिकको विश्वास बलियो बनाउनुपर्नेमा जोड दिएका छन्।
राजधानी काठमाडौं सुरक्षा दृष्टिले संवेदनशील र जटिल क्षेत्र भएको उल्लेख गर्दै महानिरीक्षक अर्यालले पशुपतिनाथ बाहिनीको कार्यसम्पादनको प्रशंसा गरे। उनले प्रतिनिधिसभा निर्वाचनको शान्तिपूर्ण सम्पन्नता, भीआईपी तथा भीभीआईपी सुरक्षा, महत्वपूर्ण संरचनाको संरक्षण तथा बन्द–हड्तालका बेला नागरिक सुरक्षामा बाहिनीले खेलेको भूमिकालाई उल्लेखनीय बताए।
उनले निर्वाचनको सफल सम्पन्नताले नेपालको सुरक्षा संयन्त्र सक्षम र प्रभावकारी रहेको पुष्टि भएको पनि बताए।
कार्यक्रममा बाहिनीपति तथा प्रहरी अतिरिक्त महानिरीक्षक सुरेश श्रेष्ठले संगठनको नीति अनुसार बाहिनीले निरन्तर जिम्मेवारी पूरा गर्दै आएको जानकारी दिए। उपत्यकामा हुने बन्द, हड्ताल, प्रदर्शन र विरोधका कार्यक्रमहरूमा शान्ति–सुरक्षा कायम राख्न बाहिनी सक्रिय रहेको उनको भनाइ थियो।
वार्षिकोत्सवका अवसरमा बाहिनीले रक्तदान कार्यक्रम तथा कविता प्रतियोगिता समेत आयोजना गरेको जनाएको छ।
सम्बन्धित खवर
