काठमाडौँ । भोटेकोशी नदीमा आएको बाढीका कारण अवरुद्ध भएको काठमाडौँ–मुग्लिन सडक आजदेखि नियमित सञ्चालनमा आएको छ। बाढीले विभिन्न स्थानमा थुपारेको लेदो र माटो हटाएपछि राजमार्ग खुलेको काठमाडौँ उपत्यका ट्राफिक प्रहरी कार्यालयले जनाएको छ।
सडक खुल्नासाथ लामो समयदेखि राजमार्गमा अलपत्र परेका सवारीसाधनलाई सुरक्षित रूपमा गन्तव्यतर्फ पठाउने काम सुरु गरिएको प्रहरी वरिष्ठ उपरीक्षक सुरेशप्रसाद काफ्लेले बताए।
उनका अनुसार बाढीले सडकमा ठूलो मात्रामा लेदो थुपारेका कारण यातायात सञ्चालनमा अवरोध भएको थियो। लेदो तथा फोहर हटाएपछि सडकमा सवारीसाधन सञ्चालन गर्न सम्भव भएको हो।
धादिङको वैरेनी बजार क्षेत्रमा भने करिब एक किलोमिटर सडकखण्ड अझै एकतर्फी रूपमा सञ्चालनमा रहेको प्रहरीले जनाएको छ।
सम्बन्धित खवर
