काठमाडौँ । भारी वर्षाको सम्भावनालाई मध्यनजर गर्दै सम्भावित जोखिम न्यूनीकरणका लागि पाँचथरमा आजदेखि रातको समयमा सवारीसाधनको आवागमन बन्द गरिएको छ। जिल्ला प्रशासन कार्यालय पाँचथरका अनुसार असोज ८ गतेदेखि असोज ११ गतेसम्म हरेक दिन बेलुकी ७ बजेदेखि बिहान ५ बजेसम्म जिल्लाका सबै सडकमा सवारी आवागमन रोक लगाइएको हो।

प्रमुख जिल्ला अधिकारी वासुदेव दाहालले सम्भावित बाढीपहिरोलगायत जोखिमलाई ध्यानमा राखी उक्त निर्णय गरिएको जानकारी दिएका छन्।