काठमाडौं । राजावादीको आन्दोलनमा तीनकुनेमा जीउँदै जलाएर हत्या गरिएका एभिन्यूज खबरकर्मी सुरेश रजकको आज अन्त्यष्टि गरिने भएको छ ।
महाराजगञ्जस्थित त्रिभुवन विश्वविद्यालय शिक्षण अस्पतालमा रहेको उनको शव परिवारले बुझेर पोष्मार्टमको प्रक्रिया अघि बढेपछि आजै अन्त्यष्टि गर्न लागिएको हो । उनको अहिले १२ बजेपछि अस्पतालबाट शवयात्रा सहित काठमाडौंको शोभा भगवतीमा अन्त्यष्टि गर्न लागिएको हो ।
यही चैत १५ गते राजावादीको आन्दोलनका क्रममा दृश्य छायांकन गरिरहेका बेला तीन कुनेको एक घरमा आन्दोलनकारीले आगो लगाएपछि उनको जलेर निधन भएको थियो । एभिन्यूज खबर टेलिभिजन र परिवारले रजकलाई न्याय दिन शहीद घोषणा गरिनुपर्ने,उनको हत्याको निष्पक्ष छानबिन हुनुपर्ने र दोषीलाई कडा कारवाही गरिनु पर्ने माग सरकार समक्ष राखेको छ ।
सरकारले यी मागबारे सकारात्मक रहेको बताएपछि परिवारले शव बुझेका हुन् । रजकको ह्रत्याको चौतर्फी बिरोध भइरहेको छ ।
