काठमाडौं । नेपाल प्रहरीले काठमाडौंको तीनकुने क्षेत्रमा राजावादी समूहले अपराधिक उद्देश्यले चैत १५ गते कार्यक्रम गरेकाले गोली चलाउनु परेको जिकिर गरेको छ ।
प्रहरी मुख्यालयमा आयोजित पत्रकार सम्मेलनमा विमानस्थल र संसद् भवन कब्जा गर्ने उद्देश्यसहित राजावादी समूहले आपराधीक समूह खटाएको जानकारीमा आएपछि गोली चलाउनु परेको प्रहरीले जनाएको हो ।
प्रदर्शनमा सहभागीहरुले सर्वसाधारणका घरमा आगजनी गरेको, सञ्चार गृह तथा विमानस्थलको इन्धन डिपोमा समेत आगजनी गर्ने तयारी गरेकाले न्यून बल प्रयोग गरेको प्रवक्ता दिनेश आचार्यले दाबी गरे ।
आपराधिक घटना नियन्त्रण गर्न ५८ राउण्ड गोली चलाइएको र त्यसमा २० जनाको घाइते भएको प्रहरीले जानकारी दिएको छ । आयोजनास्थल बाटै आयोजकले नेताको घर कब्जा र आक्रमणको घोषणा गरे अनुसार विमानस्थल, निजी घर र संसद् भवनसँगै भाटभटेनी सुपरमार्केटमा लुटपाट गर्ने समूह नै परिचालित भएको प्रहरीको प्रारम्भिक निस्कर्ष छ ।
घटनामा संलग्नहरुमाथि आपराधिक कसुरमा कारबाही हुने प्रहरीले जनाएको छ । मुख्य आरोपी दुर्गा प्रसाईंको पनि खोजी भैरहेको प्रहरीको भनाइ छ । आक्रमणवाट तीनकुन, काटेश्वर र जडिबुटी क्षेत्रका ४० घरमा क्षति पुगेको प्रहरीले जनाएको छ ।
सम्बन्धित खवर
